Արցախի և Հայաստանի մարդու իրավունքների պաշտպանները հանդիպել են տեղահանված անձանց և այցելել Խրամորթ համայնք

05 ՄԱՐՏ 2022, Հաղորդագրություններ

Մարտի 4-ին Արցախի և Հայաստանի մարդու իրավունքների պաշտպաններ Գեղամ Ստեփանյանն ու Քրիստիննե Գրիգորյանը այցելել են Արցախի Հանրապետության Ասկերանի շրջանի Խրամորթ համայնք։

Պաշտպանները տեղում ծանոթացել են ադրբեջանական կողմից սահմանամերձ բնակավայրերի բնականոն կյանքը խաթարելու,  բնակիչների նկատմամբ հոգեբանական ճնշումներ գործադրելու ու խուճապ ստեղծելու միտված գործողությունների մանրամասներին և համայնքի բնակիչների խնդիրներին։

Նույն օրը Պաշտպաններն այցելել են տեղահանված անձանց ժամանակավոր բնակության վայրերից մեկը, ծանոթացել բնակիչների պայմաններին ու խնդիրներին,  ջերմ զրույցներ ունեցել ընտանիքների հետ: