ԱՀ Մարդու իրավունքների պաշտպանի և Արդարադատության նախարարության համագործակցության արդյունքում ընդլայնվել է անվճար իրավաբանական օգնություն ստանալու իրավունք ունեցող անձանց շրջանակը

28 OCTOBER 2022, Press Releases

Խոշտանգումների կանխարգելման ոլորտում «Մարդու իրավունքների պաշտպանի մասին» օրենքով սահմանված լիազորությունների շրջանակներում ՄԻՊ աշխատակազմի ներկայացուցիչների կողմից պարբերաբար իրականացվող մշտադիտարկումների արդյունքում՝ արձանագրվել է, որ օրենքով սահմանված կառուցակարգերը չեն երաշխավորում հոգեբուժական կազմակերպությունում պահվող անձանց իրավաբանական օգնություն ստանալու հետ կապված պատշաճ իրավական ընթացակարգը:

Մարդու իրավունքների պաշտպանի և ԱՀ արդարադատության նախարարության համագործակցության արդյունքում մշակվել է Քաղաքացիական դատավարության օրենսգրքում, «Փաստաբանության մասին» և «Հոգեբուժական օգնության մասին» օրենքներում լրացումներ և փոփոխություններ կատարելու մասին օրենսդրական փաթեթը, որն ընդունվել է ԱՀ ԱԺ հոկտեմբերի 27-ի լիագումար նիստում։

Նոր իրավակարգավորումներով նախատեսվում է`

  • հանրային պաշտպանի նշանակած փաստաբանի կողմից անվճար իրավաբանական օգնության տրամադրում հոգեբուժական կազմակերպություններում բուժվող անձանց:
  • անվճար իրավաբանական օգնության իրավունք է վերապահվել նաև 2020թ. սեպտեմբերի 27-ից հետո Արցախի Հանրապետության վերահսկողությունից դուրս մնացած բնակավայրերից տեղահանված անձանց: